Mat á umhverfisáhrifum og skipulagsmál
Virkjunarleyfið er háð þeim skilyrðum sem fram koma í ákvörðun Skipulagsstofnunar vegna mats á umhverfisáhrifum vegna stækkunar Hellisheiðarvirkjunar, dags. 28. mars 2006, og þeim áformum Orkuveitu Reykjavíkur um aðgerðir, rannsóknir og eftirlit sem lýst er í matsskýrslu og ætla má að hafi haft áhrif á afstöðu lögboðinna umsagnaraðila og niðurstöðu Skipulagsstofnunar.
Samtals hefur Orkuveita Reykjavíkur tilkynnt til Skipulagsstofnunar um stækkun Hellisheiðarvirkjunar í allt að 310 MWe í rafmagnsvinnslu. Framkvæmdir á grundvelli leyfisins eru í samræmi við núgildandi skipulagsáætlanir á svæðinu.